നവജാത ശിശുവിൻ്റെ മരണം; മാതാവ് അറസ്റ്റിൽ

കണ്ണൂർ : കുറുമാത്തൂരിൽ രണ്ട് മാസം പ്രായമായ കുഞ്ഞ് കിണറ്റില്‍ വീണ് മരിച്ച സംഭവത്തില്‍ മാതാവ് അറസ്റ്റിൽ. 

കുറുമാത്തൂർ പൊക്കുണ്ടിലെ മുബഷീറയാണ് അറസ്റ്റിലായത് രേഖപ്പെടുത്തിയത്. തിങ്കളാഴ്ച രാവിലെയാണ് വീട്ടിലെ കിണറ്റിൽ നവജാത ശിശുവിന്റെ മൃതദേഹം കണ്ടെത്തിയത്.

ജാബിർ - മുബഷിറ ദമ്പതികളുടെ നാലാമത്തെ കുഞ്ഞ് ഹാമിഷ് അലനാണ് മരിച്ചത്. കുളിപ്പിക്കുന്നതിനിടെ കുഞ്ഞ് അബദ്ധത്തിൽ കിണറ്റിൽ വീണ് മരിച്ചുവെന്നായിരുന്നു ആദ്യം മുബഷിറ പറഞ്ഞത്.  കുഞ്ഞിനെ കിണറ്റില്‍ നിന്ന് പുറത്തെടുത്തത് നാട്ടുകാർ ആദ്യം തളിപ്പറമ്പ് സഹകരണ ആശുപത്രിയിലും പിന്നീട് പരിയാരം മെഡിക്കൽ കോളജിലും എത്തിച്ചെങ്കിലും രക്ഷിക്കാനായില്ല.

കുഞ്ഞിന്‍റെ മരണത്തില്‍ നേരത്തെ തന്നെ സംശയങ്ങളുണ്ടായിരുന്നു. തുടര്‍ന്ന് മുബഷിറയെ ചോദ്യം ചെയ്തപ്പോഴാണ് കുഞ്ഞിനെ കൊലപ്പെടുത്തിയതെന്ന് സമ്മതിച്ചത്. കുഞ്ഞിനെ പ്രസവിച്ചതിന് ശേഷം മുബഷീറ പ്രസവാനന്തര വിഷാദം നേരിട്ടിരുന്നുവെന്നാണ് പൊലീസ് പറയുന്നത്.