ഷാരൂഖ് ഖാന് പരുക്ക്

മുംബൈ : 

സിദ്ധാർഥ് ആനന്ദ് ഒരുക്കുന്ന 'കിംഗ്' എന്ന ബോളിവുഡ്  സിനിമയുടെ ചിത്രീകരണത്തിനിടെ ഷാരൂഖ് ഖാന് പരിക്ക്. മുംബൈയിലെ ഗോൾഡൻ ടുബാക്കോ സ്റ്റുഡിയോയിൽ സംഘട്ടനരംഗത്തിന്റെ ചിത്രീകരണത്തിനിടെയാണ് പരിക്കേറ്റതെന്നാണ് വിവരം. പുറത്തേറ്റ പരിക്കിനെത്തുടർന്ന് ചികിത്സയ്ക്കായി യുഎസിലേക്ക് പോയ താരം ഇവിടെനിന്ന് യുകെയിലേക്ക് മാറി. ഇപ്പോൾ കുടുംബത്തോടൊപ്പം യുകെയിൽ വിശ്രമത്തിലാണ് ഷാരൂഖ്. ഒരുമാസത്തെ വിശ്രമം നടന് നിർദേശിച്ചിട്ടുണ്ടെന്നാണ് വിവരം. സെപ്റ്റംബറിൽ ഷൂട്ടിങ് പുനർ ആരംഭിക്കുമെന്നാണ് റിപ്പോർട്ടുകൾ.ഷാരൂഖ് ഖാൻ്റെ മകൾ സുഹാനാ ഖാൻ ആദ്യമായി ബിഗ് സ്ക്രീനിലെത്തുന്ന ചിത്രമെന്ന പ്രത്യേകതയും 'കിങിനുണ്ട്. ദീപിക പദുക്കോൺ, അഭിഷേക് ബച്ചൻ, അനിൽ കപൂർ എന്നിവരും ചിത്രത്തിൽ പ്രധാനവേഷത്തിൽ എത്തുന്നുണ്ട്.