മധു ബാബു വില്ലൻ, റിയൽ ലൈഫിലെ ജോർജ് സാർ: ഷീല കുര്യൻ

കൊച്ചി : 

ഡിവൈഎസ്പി മധുബാബുവിനെതിരെ ആരോപണങ്ങളുമായി നിർമാതാവ് ഷീല കുര്യൻ. സ്വകാര്യ ചാനലിനോടാണ് ശീലാ കുരിനി കാര്യങ്ങൾ പറഞ്ഞത്. 

പരാതി പറയാനെത്തിയ തന്നോട് മധുബാബു മോശമായി പെരുമാറിയെന്ന് അവർ ആരോപിച്ചു. 

മധു ബാബുവില്‍ നിന്ന് തനിക്ക് ഉണ്ടായത് ദുരനുഭവം.

തന്നെ സ്റ്റേഷനിൽ വിളിച്ചുവരുത്തി പ്രതികളുടെ മുന്നിൽ അപമര്യാദയായി സംസാരിച്ചുവെന്നും ഷീല കുര്യൻ പറയുന്നു. 

മധുബാബു പൊലീസ് സേനയിലെ വില്ലനാണ്. റിയൽ ലൈഫിലെ ജോർജ് സർ ആണെന്നും ഷീല കുര്യൻ പറഞ്ഞു. 

സാമ്പത്തിക തട്ടിപ്പ് പരാതിയിൽ ഡിവൈഎസ്‌പി പ്രതികൾക്ക് ഒപ്പം നിന്നു. ഓഫീസിൽ വെച്ച് തന്നെ അപമാനിച്ചു. മാനസിക വിഷമം അനുഭവിക്കുന്നെന്ന് പറഞ്ഞിട്ടും അപമാനം തുടർന്നുവെന്നും പ്രതികളെ രാജ്യം വിടാൻ സഹായിച്ചുവെന്നും ഷീല കുര്യൻ ആരോപിച്ചു. 

കഴിഞ്ഞ ഫെബ്രുവരിയിലാണ് സംഭവം നടന്നത്. തൻ്റെ പിന്നിൽ ആരുമില്ല. തുറന്ന് പറഞ്ഞത് അനുഭവിച്ച കാര്യങ്ങളെന്നും ഷീല കുര്യൻ കൂട്ടിച്ചേർത്തു.