ക്ഷേമനിധി പെൻഷൻ 2000 രൂപയായി ഉയർത്തി

തിരുവനന്തപുരം : 

സാമൂഹ്യ സുരക്ഷാ പ്രതിമാസ പെൻഷനിൽ 400 രൂപയുടെ വർധന. ഈ പെൻഷനുകൾ 2,000 രൂപയായി വർദ്ധിപ്പിക്കാൻ മന്ത്രിസഭായോഗം തീരുമാനിച്ചു.

സാമൂഹ്യ സുരക്ഷ പെൻഷനുകൾ/ക്ഷേമനിധി ബോർഡ് പെൻഷനുകൾ/സർക്കസ്-അവശ കലാകാര പെൻഷനുകൾ എന്നിവ നിലവിൽ പ്രതിമാസം 1,600 രൂപയായിരുന്നു. ഇതാണ് ഇപ്പോൾ  പ്രതിമാസം 2,000 രൂപയാക്കുന്നത്. പ്രതിവർഷം ഏകദേശം 13,000 കോടി രൂപയാണ് ഈ ക്ഷേമ പെൻഷൻ വിതരണത്തിനായി സർക്കാർ നീക്കിവെക്കുന്നത്.