കുഞ്ഞിനെ വലിച്ചെറിഞ്ഞ് അമ്മയെ പീഡിപ്പിക്കാൻ ശ്രമിച്ച യുവാവ് പിടിയിൽ
തേവലക്കര പാലക്കല്‍ ഊപ്പന്‍ വിളയില്‍ സാലിഹാണ് (ഫൈസൽ 26) കരുനാഗപ്പള്ളി പൊലീസിന്റെ പിടിയിലായത്. കരുനാഗപ്പള്ളി റെയില്‍വേ സ്റ്റേഷന് അടുത്ത് താമസിക്കുന്ന ആന്ധ്രാ സ്വദേശിനിയായ യുവതിയെയാണ് ഇയാള്‍ ലൈംഗികമായി പീഡിപ്പിക്കാന്‍ ശ്രമിച്ചത്.
റെയില്‍വേയുടെ കരാര്‍ തൊഴിലാളികളുടെ ടെന്റില്‍ ഇരിക്കുകയായിരുന്ന യുവതിയെ പ്രതി ഉപദ്രവിക്കുകയായിരുന്നു. ടെന്റിലേക്ക് ഓടിക്കയറിയ പ്രതി യുവതിയുടെ കയ്യിലുണ്ടായിരുന്ന കുഞ്ഞിനെ തറയിലേക്ക് വലിച്ചെറിഞ്ഞു. പിന്നീട് യുവതിയെ കടന്നുപിടിച്ചു. യുവതി ബഹളം വച്ചതോടെ സാലിഹ് ഇറങ്ങി ഓടുകയായിരുന്നു. സംഭവത്തില്‍ യുവതിയുടെ ഭര്‍ത്താവ് നല്‍കിയ പരാതിയിലാണ് പൊലീസ് കേസെടുത്ത് പ്രതിയെ അറസ്റ്റ് ചെയ്തത്.
Post a Comment
0 Comments