എന്തിനു ബസ് അപകടം വരുത്തുന്നത് വരെ കാത്തിരിക്കണം? വിളിക്കാം

കോഴിക്കോട് : ബസ് അമിതവേഗത്തിലാണോ?  അവ ഗതാഗതനിയമങ്ങൾ ലംഘിക്കുന്നുണ്ടോ?

യാത്രക്കാർക്ക് അപ്പോൾ തന്നെ മൊബൈൽ ഫോണിൽ മോട്ടോർ വാഹന വകുപ്പിനെ ബന്ധപ്പെടാം. പരാതിയുള്ള ബസ് സർവീസ് നടത്തുന്ന ജില്ലയിലെ എൻഫോഴ്‌സ്‌മെന്റ് ആർടിഒയെ വിവരം അറിയിക്കണം. വാട്‌സാപ്പിൽ  നിയമലംഘനങ്ങളുടെ ചിത്രങ്ങളും വീഡിയോകളും അയച്ചു നൽകാം.  വാട്‌സാപ്പിൽ അയച്ചുകിട്ടുന്ന വീഡിയോകളുടെയും ചിത്രങ്ങളുടെയും ആധികാരികത ഉറപ്പു വരുത്തിയ ശേഷമായിരിക്കും നടപടി. ഇതിനായി ബസ് ഡ്രൈവറുടെ സീറ്റിന് പിന്നിൽ ആർടിഒയുടെയും നമ്പർ രേഖപ്പെടുത്തണം. 

നിയമലംഘനം അനുസരിച്ച് പിഴയോ കടുത്തനടപടികളോ സ്വീകരിക്കുമെന്ന് മോട്ടോർവാഹനകുപ്പ് ഉദ്യോഗസ്ഥർ അറിയിച്ചു. ഘട്ടംഘട്ടമായി പദ്ധതി നടപ്പാക്കും. വാർഷിക പരിശോധനയ്ക്ക് ബസ് എത്തിക്കുമ്പോൾ നമ്പർ എഴുതിയ സ്റ്റിക്കറുകളും പതിപ്പിക്കും. ഇങ്ങനെ സ്റ്റിക്കറുകൾ വാഹനവകുപ്പ് ഉദ്യോഗസ്ഥർ പതിപ്പിച്ചുതുടങ്ങിക്കഴിഞ്ഞു. ബസുകളുടെ മത്സരയോട്ടവും മൊബൈലിൽ സംസാരിച്ചുകൊണ്ട് വാഹനം ഓടിക്കുന്നതും വർധിച്ച സാഹചര്യത്തിൽ മന്ത്രി കെ.ബി.ഗണേഷ്‌കുമാർ വിളിച്ചുചേർത്ത മോട്ടോർവാഹനവകുപ്പ് ഉദ്യോഗസ്ഥരുടെ യോഗത്തിലാണ് തീരുമാനം. കോഴിക്കോട് ജില്ലാ എൻഫോഴ്‌സ്‌മെന്റ് ആർടിഒയുടെ  നമ്പർ : 9188961011 

            

മറ്റു ജില്ലകളുടെ ലിസ്റ്റ്:

തിരുവനന്തപുരം- 9188961001 

കൊല്ലം- 9188961002 

പത്തനംതിട്ട- 9188961003 

ആലപ്പുഴ- 9188961004 

കോട്ടയം- 9188961005 

ഇടുക്കി- 9188961006 

എറണാകുളം- 9188961007 

തൃശ്ശൂർ- 9188961008

പാലക്കാട്- 9188961009

മലപ്പുറം- 9188961010

വയനാട്- 9188961012

കണ്ണൂർ- 9188961013

കാസർകോട്- 9188961014.