ഒറ്റപ്പെട്ട മഴ കനക്കും

കൊച്ചി : തെക്കൻ  ഛത്തിസ്ഗഢിനു മുകളിലായി ന്യുനമർദ്ദം സ്ഥിതിചെയ്യുന്നതായി കാലാവസ്ഥാ നിരീക്ഷണ വകുപ്പ്. പടിഞ്ഞാറ്, വടക്കു പടിഞ്ഞാറ് ദിശയിൽ സഞ്ചരിച്ചു ശക്തി കുറഞ്ഞു ചക്രവാതച്ചുഴിയായി ആഗസ്ത്  18  ഓടെ  ഗുജറാത്തിന്  മുകളിൽ എത്തിച്ചേരാനാണു സാധ്യത.

വടക്കു പടിഞ്ഞാറൻ  - മധ്യ പടിഞ്ഞാറൻ ബംഗാൾ ഉൾക്കടലിനു  മുകളിൽ ഓഗസ്റ്റ്  പതിനെട്ടോടെ പുതിയ ന്യുനമർദ്ദം രൂപപ്പെടാനും സാധ്യതയുണ്ട്. 

കേരളത്തിൽ അടുത്ത 5 ദിവസം നേരിയ , ഇടത്തരം മഴയ്ക്ക് സാധ്യതയുണ്ട്. ആഗസ്റ്റ് 16  മുതൽ 19 വരെയുള്ള  തീയതികളിൽ ഒറ്റപ്പെട്ട അതിശക്തമായ മഴയ്ക്കും 16  - 20  വരെ ഒറ്റപ്പെട്ട  ശക്തമായ മഴയ്ക്കും സാധ്യതയുണ്ട്.  40 മുതൽ 50 വരെ വേഗതയിൽ ശക്തമായ കാറ്റിനു സാധ്യതയെന്ന്  കേന്ദ്ര കാലാവസ്ഥ വകുപ്പ് അറിയിച്ചു.