ശാസ്താംകോട്ട : വിവാഹത്തിനു ദിവസങ്ങൾ മാത്രം ശേഷിക്കെ സൈനികനായ യുവാവിനെ വീടിനുള്ളിൽ തൂങ്ങി മരിച്ച നിലയിൽ കണ്ടെത്തി.
ഇടയ്ക്കാട് തെക്ക് കലതിവിള ജംക്ഷനു സമീപം തടത്തിൽ വീട്ടിൽ സുരേന്ദ്രന്റെയും സുധയുടെയും മകൻ
നിഖിലാണ് (28) മരിച്ചത്.
ഈ മാസം 25ന് വിവാഹം നിശ്ചയിച്ചതായിരുന്നു. സേവ് ദി ഡേറ്റിൻ്റെ ഭാഗമായുളള ഫോട്ടോ ഷൂട്ട് കഴിഞ്ഞതിനു ശേഷം വിവാഹം ക്ഷണിക്കാൻ സുഹൃത്തുക്കളുടെയും മറ്റും വീടുകളിൽ നിഖിൽ നേരിട്ടെത്തിയിരുന്നു.
ഇതിനു ശേഷം വീട്ടിലെത്തി മുറിയിൽ ഉറങ്ങാൻ കിടന്നതായിരുന്നു.
പന്തൽ നിർമാണവും മറ്റും പ്രവൃത്തികളും നടക്കുന്നതിനാൽ ധാരാളം തൊഴിലാളികളും വീട്ടിൽ ഉണ്ടായിരുന്നു. ഇതിനിടയിൽ പ്രതിശ്രുത വധു വിളിച്ചിട്ടും സന്ദേശം അയച്ചിട്ടും പ്രതികരിക്കാതിരുന്നതിനെ തുടർന്ന് സുഹൃത്തിനെ വിവരം അറിയിച്ചു. സുഹൃത്ത് വീട്ടിലെത്തി അന്വേഷിച്ചപ്പോൾ ഉറങ്ങുകയാണെന്ന് വീട്ടുകാർ പറഞ്ഞതിനെ തുടർന്ന് മടങ്ങി. വൈകിട്ടും മുറി തുറക്കാതിരുന്നതിനെ തുടർന്ന് വാതിൽ ചവിട്ടി തുറന്ന് നോക്കിയപ്പോഴാണ് തൂങ്ങിയ നിലയിൽ കണ്ടെത്തിയത്. ഉടൻ തന്നെ ശാസ്താംകോട്ടയിലെ സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല.
(ആത്മഹത്യ ഒന്നിനും പരിഹാരമല്ല)
Post a Comment
0 Comments