കസ്റ്റംസ് പരിശോധന പുരോഗമിക്കുന്നു; പൃഥ്വിരാജിന്റെയും ദുൽഖറിന്റെയും വീടുകളിലും പരിശോധന

കൊച്ചി : ഓപ്പറേഷന്‍ നുംഖോർ, കസ്റ്റംസിന്റെ രാജ്യവ്യാപക റെയ്ഡ് പുരോഗമിക്കുന്നു. കേരളത്തിൽ 30 കേന്ദ്രങ്ങളിലാണ് പരിശോധന നടക്കുന്നത്. 

സിനിമാതാരങ്ങളായ ദുൽഖർ സൽമാന്റെയും പൃഥ്വിരാജിന്റെയും വീടുകളിലും പരിശോധന തുടങ്ങി. ഭൂട്ടാൻ വഴി ആഡംബര കാറുകൾ നികുതി വെട്ടിച്ച് ഇന്ത്യയിലെത്തിച്ച് മറിച്ചുവിൽക്കുന്നുവെന്ന കണ്ടെത്തലിനെ തുടർന്നാണ് കസ്റ്റംസ് രാജ്യവ്യാപകമായി റെയ്ഡ് നടത്തുന്നത്. നടൻ പൃഥ്വിരാജിന്റെ തേവരയിലുള്ള വീട്ടിലും ദുൽഖർ സൽമാന്റെ പനംപള്ളിനഗറിലുള്ള വീട്ടിലുമാണ് പരിശോധന നടക്കുന്നത്.  തിരുവനന്തപുരം, എറണാകുളം, കോട്ടയം, കോഴിക്കോട്, മലപ്പുറം, ജില്ലകളിലെ 30 കേന്ദ്രങ്ങളിലാണ് പരിശോധന.