പ്രിസൺ ഓഫിസർ അനീഷ് മരണത്തിലും 8 പേർക്ക് പുതുജീവൻ പകർന്നു

കോട്ടയം: ശബരിമല ദർശനത്തിനിടെ അസുഖ ബാധിതനായതിനെ തുടർന്ന് കോട്ടയം മെഡിക്കൽ കോളജിൽ ചികിത്സയിലായിരുന്ന തിരുവനന്തപുരം പൂജപ്പുര സെൻട്രൽ പ്രിസൺ ആൻഡ് കറക്ഷണൽ ഹോമിലെ ഡപ്യൂട്ടി പ്രിസൺ ഓഫിസർ എ.ആർ.അനീഷ് മരണത്തിലും മറ്റ് 8 പേർക്ക് പുതുജീവൻ പകരും. അദ്ദേഹത്തിൻ്റെ ഹൃദയം, കരൾ, വൃക്കകൾ, നേത്രപടലങ്ങൾ തുടങ്ങിയ അവയവങ്ങൾ ദാനം ചെയ്‌തതിലൂടെ എട്ടുപേർക്ക് പുതു ജീവൻ ലഭിച്ചു. അനീഷിൻ്റെ വിയോഗത്തിൻറെ വേദനയിലും അവയവങ്ങൾ ദാനം ചെയ്യാൻ സന്നദ്ധത കാണിച്ച കുടുംബാംഗങ്ങൾ മാനവികതയുടെ വലിയൊരു മാതൃകയാണ് സൃഷ്‌ടിച്ചിരിക്കുന്നതെന്ന് മുഖ്യമന്ത്രി പിണറായി വിജയൻ അനുശോചന സന്ദേശത്തിൽ പറഞ്ഞു.