പൊലീസിൻ്റെ വിവരം ചോർത്തൽ; സഹോദരങ്ങൾ അറസ്റ്റിൽ

പുൽപ്പള്ളി : 

പോലീസ്-മോട്ടോർ വാഹന വകുപ്പുകളുടെ പരിശോധനാ വിവരം ചോർത്തി പ്രചരിപ്പിച്ച സഹോദരങ്ങൾ പിടിയിൽ. വാഹന പരിശോധനയുടെയും മറ്റ് ഔദ്യോഗിക പ്രവർത്തനങ്ങളുടെയും വിവരങ്ങൾ വാട്‌സ്‌ആപ്പ് ഗ്രൂപ്പിൽ ചോർത്തി നൽകിയ അഡ്‌മിൻമാരും സഹോദരങ്ങളുമായ പെരിക്കല്ലൂർ ചെറിയമുക്കാടയിൽ വീട്ടിൽ ബിബിൻ ബേബി (42) സഹോദരൻ ബിജു ബേബി (38) എന്നിവരെയാണ് പോലീസ് അറസ്റ്റ് ചെയ്തത്. 

ബിബിൻ അഡ്‌മിനായ ടാക്സ‌ി ഡ്രൈവേഴ്‌സ് വയനാട് എന്ന ഗ്രൂപ്പിലൂടെയാണ് മദ്യപിച്ച് വാഹനമോടിക്കുന്നവർക്കും മദ്യം, മയക്കുമരുന്ന് കടത്തുകാർക്കും മ ണൽ മാഫിയകൾക്കും മറ്റ് സാമൂ ഹ്യവിരുദ്ധർക്കും സഹായം ചെയ്യുന്ന രീതിയിൽ വിവരങ്ങൾ കൈമാറി കൊണ്ടിരുന്നത്. ഇന്റലിജൻസ് വിഭാഗത്തിന്റെയും സൈബർ സെല്ലിന്റെയും തുടർച്ചയായ നിരീക്ഷണത്തിനും അന്വേഷണത്തിനും ഒടുവിലാണ് ബിബിൻ വലയിലായത്. നിരവധി അംഗങ്ങളുള്ള ഗ്രൂ പ്പിൽ കഴിഞ്ഞ മാസം മുതലാണ് കുറ്റകരമായ പ്രവർത്തനങ്ങൾ നടന്നുവന്നതെന്ന് അന്വേഷണത്തിൽ പോലീസ് കണ്ടെത്തി. വാഹന പരിശോധന നടക്കുന്ന സ്‌ഥലങ്ങളും സമയങ്ങളും മുൻകൂട്ടി പങ്കുവെച്ച് കുറ്റവാളി കൾക്ക് സഹായം ചെയ്തുവരുകയായിരുന്നു. വാട്‌സ്‌ആപ്പ് ഗ്രൂപ്പിലെ മറ്റ് അംഗങ്ങളുടെ പങ്കും പോലീസ് പരിശോധിച്ചുവരികയാണ്. സംഭവത്തിൽ പോലീസ് കൂടുതൽ അന്വേഷണം നടത്തി വരികയാണെന്നും കർശന നടപടികൾ സ്വീകരിക്കുമെന്നും വയനാട് ജില്ലാ പോലീസ് മേധാവി പറഞ്ഞു.