ബാലുശ്ശേരി : പൊരിച്ച അയക്കൂറയും പൊള്ളിച്ച ചിക്കനും കിട്ടാത്തതിൽ കലി പൂണ്ടവർ ഹോട്ടൽ അടിച്ചു തകർത്തു. അക്രമി സംഘത്തിലെ 4 പേർ പോലീസ് കസ്റ്റഡിയിലായി. ഒരു വ്യക്തി ഹോട്ടലിൽ സംഘടിപ്പിച്ച സൽക്കാരത്തിൽ മീനും ചിക്കനും കിട്ടാത്തതിൽ പ്രകോപിതരായാണു നന്മണ്ട 14 ലെ ഫോർട്ടിൻസ് ഹോട്ടൽ അടിച്ചു തകർത്തത്. അയക്കൂറയും ചിക്കനും ലഭിക്കാത്തതിൽ പ്രകോപിതരായാണ് ഒരു സംഘം യുവാക്കൾ അക്രമം കാട്ടിയത്. ഹോട്ടലിലെ മേശകളും കസേരകളും അടിച്ചുതകര്‍ത്തു. ചിക്കന്‍ ബിരിയാണി, ബീഫ് ബിരിയാണി അല്ലെങ്കിൽ മീന്‍കറിയടക്കമുള്ള ഊണ് എന്നിവയായിരുന്നു വിഭവങ്ങള്‍. പൊള്ളിച്ച അയക്കൂറയും ചിക്കനുമാണ് ഇവർ ആവശ്യപ്പെട്ടത്. അത് ലഭിക്കാതായതോടെയാണ് ആക്രമണം ഉണ്ടായത്. പരുക്കേറ്റ ഹോട്ടൽ ജീവനക്കാരെ ആശുപത്രിയില്‍ പ്രവേശിപ്പിച്ചു. ആക്രമണ വിവരം അറിഞ്ഞ് സ്ഥലത്ത് എത്തിയ പൊലീസിന് നേരെയും സംഘം തട്ടിക്കയറി. നാല് പേരെ ബാലുശ്ശേരി പൊലീസ് കസ്റ്റഡിയിലെടുത്തിട്ടുണ്ട്. പ്രശ്നം അറിഞ്ഞെത്തിയ പോലീസിന് നേരെയും വലിയ അതിക്രമം ഉണ്ടായതായി നാട്ടുകാർ പറഞ്ഞു.
Post a Comment
0 Comments