ലിവിങ് ടുഗതർ പങ്കാളി ഫ്ലാറ്റിൽ തൂങ്ങി മരിച്ചു

താമരശ്ശേരി :  കൈതപ്പൊയിൽ ഹൈസൻ അപ്പാർട്ട്മെന്റിൽ വാടകയ്ക്ക് താമസിക്കുന്ന യുവതിയെ തൂങ്ങിമരിച്ച നിലയിൽ കണ്ടെത്തി.  കാക്കൂർ മുണ്ടപ്പുറത്ത് ഹസ്‌നയെയാണ് (34) മരിച്ച നിലയിൽ കണ്ടെത്തിയത്. യുവതി 8 മാസത്തോളമായി  കൈതപ്പൊയിലിൽ യുവാവിനൊപ്പം താമസിച്ചു വരികയാണ്.

ഇന്ന് രാവിലെ പത്തുമണി ആയതിനുശേഷവും മുറി തുറക്കാത്തതിനെ തുടർന്ന് ഫ്ലാറ്റിനു ഉള്ളിലെ തൊട്ടടുത്ത റൂമിൽ താമസിക്കുന്നയാളും  നിലവിലെ ജീവിത പങ്കാളിയുമായ പുതുപ്പാടി ചോയിയോട് വേനകാവ്

ആദിൽ ഫ്ലാറ്റ് ഉടമസ്ഥനെ വിളിച്ചുവരുത്തി. തുടർന്ന് വാതിൽ ചവിട്ടി പൊളിച്ച് അകത്ത് കടന്ന് നോക്കിയപ്പോഴാണ് ഫാനിൽ തൂങ്ങി മരിച്ച നിലയിൽ കണ്ടത്. 

ഇവർ രണ്ടുപേരും കഴിഞ്ഞ എട്ടുമാസത്തോളമായി യുവാവിനൊപ്പം ഒരുമിച്ച് കഴിയുകയാണ്. മരണപ്പെട്ട ഹസ്ന വിവാഹമോചിതയാണ്. ആദിലുമായി വിവാഹം കഴിച്ചിട്ടില്ല. ഹസ്നയ്ക്ക് മൂന്ന് മക്കളുണ്ട്. 13 വയസ്സുള്ള മൂത്ത മകൻ മാത്രമേ ഇപ്പോൾ അസ്നയുടെ കൂടെ താമസിക്കുന്നുള്ളൂ. ആദിലും വിവാഹമോചിതനാണ്.