മഹാരാഷ്ട്ര ഉപമുഖ്യമന്ത്രി അജിത് പവാറിന് രാജ്യം വിട ചൊല്ലി

മുംബൈ : ഇന്നലെ ബാരാമതിയിൽ ഉണ്ടായ വിമാന അപകടത്തിൽ മരിച്ച മഹാരാഷ്ട്ര ഉപമുഖ്യമന്ത്രിയും എന്‍സിപി നേതാവുമായ  അജിത് പവാറിന് രാജ്യം വിടചൊല്ലി. തങ്ങളുടെ എല്ലാമെല്ലാമായ നേതാവ് അജിത് പവാറിന് വിടനല്‍കാൻ ജന്മനാട് ഒഴുകിയെത്തി.  കേറ്റ്വാഡിയിലെ വീട്ടിലേക്ക് പവാറിന്റെ മൃതദേഹം എത്തിച്ചപ്പോള്‍ നൂറ് കണക്കിന് ഗ്രാമവാസികള്‍ ആണ് ആദരാഞ്ജലികള്‍ അര്‍പ്പിക്കാന്‍ എത്തിയത്. വികാരപരമായ മുദ്രാവാക്യങ്ങളോടെയാണ് പ്രദേശവാസികള്‍ തങ്ങളുടെ നേതാവിന് അദരം അര്‍പ്പിച്ചത്. 

അജിത് ദാദ അമർ രഹേ എന്ന മുദ്രാവാക്യങ്ങളുമായാണ് പ്രവർത്തകർ അജിത് പവാറിന് വിട നൽകിയത്.

ബാരാമതിയിലെ വിദ്യാ പ്രതിഷ്ഠാനിലാണ് സംസ്കാര ചടങ്ങുകൾ നടന്നത്. അജിത് പവാറിൻ്റെ മക്കളായ പാർഥ, ജയ് എന്നിവർ അന്ത്യകർമങ്ങൾ നിർവഹിച്ചു.

അജിത് പവാറിന് അന്ത്യാഞ്ജലി അർപ്പിക്കുന്നതിനായി കേന്ദ്ര ആഭ്യന്തര മന്ത്രി അമിത് ഷാ, മഹാരാഷ്ട്ര മുഖ്യമന്ത്രി ദേവേന്ദ്ര 

ഫട്നാവിസ്, എൻസിപി.എസ് ദേശീയ പ്രസിഡൻ്റ് ശരത് പവാർ , 

സുപ്രിയ സുളെ, കേന്ദ്ര, സംസ്ഥാന മന്ത്രിമാർ, പ്രമുഖ നേതാക്കൾ ഉൾപ്പെടെയുള്ളവർ അന്തിമോപചാരം അർപ്പിച്ചു.